Fyrst til að funda með okkur voru Sigurjón Þórðarson og Margrét Sverrisdóttir.

Eftir það funduðum við með Ingibjörgu Georgsdóttir (barnalækni TR) og Jóni Sæmundi Sigurjónssyni (Heilbrigðisráðuneytinu).

Stuttu síðar var fundur með Margréti Frímannsdóttur fyrir hönd Samfylkingarinnar (en þar höfðu margir lýst áhuga á að hitta okkur) og hún hjálpaði okkur mikið við að skipuleggja það sem eftir var af ferlinu.

3. september funduðum við með ráðherrum Félagsmálaráðuneytis og Heilbrigðis- og tryggingamálaráðuneytis.  Á fundi með Jóni Kristjánssyni var heil hersing af fólki og týndumst við eiginlega í fjöldanum, fyrir utan þá staðreynd að við fengum um 20 mín. með honum.  Seinna sama dag hittum við Árna Magnússon og áttum við hann langt spjall. 

Síðan funduðum við með Jónínu Bjartmarz fyrir hönd Framsóknarflokksins.

12. nóvember eru okkar mál tekin upp á Alþingi að frumkvæði Margrétar Frímannsdóttur en með stuðning fleirri þingmanna.

Í desember fengum við loksins fund með Sjálfstæðismönnunum Guðlaugi Þór Þórðasyni, Drífu Hjartadóttir og Sigríði Önnu Þórðadóttur.  Og fengum þar tækifæri til að kynna þeim sjónamið okkar.  Guðlaugur Þór bókaði síðan annað viðtal sama dag við Margréti Einarsdóttur varaborgafulltrúa en hún situr einmitt í kærunefnd Félagsmála hjá Reykjavíkurborg.  Og skilaði sá fundur miklum árangri.

Frá nóvember og fram í mars voru stöðug símtöl að fara á milli okkar og Félagsmálaráðuneytisins og niðurstaðan úr þeim er yfirlýsing sem Félagsmálaráðuneytið sendi okkur.  Fram að miðjum nóvember náðum við í Heilbrigðisráðuneytið en eftir það hefur ekki náðst í neinn þar.

17. mars 2004 eru við síðan aftur í umræðunni á Alþingi að þessu sinni að frumkvæði Valdimari L. Friðrikssonar.  Sigurjón Þórðason tók líka til máls þá.

Á þessum tíma fóru fram 4 viðtöl við okkur hjá Þorgeiri Ástvalds í Reykjavík síðdegis á Bylgjunni (hann reyndist okkur alveg æðislega) og viðtal hjá Arnþrúði Karls.  Við komum fram í Íslandi í dag og viðtalssyrpa var í DV og í framhaldi í Fréttablaðinu (okkar heppni var að DV fór á hausinn á meðan á þessu stóð).